ప్రొద్దుటూరులో ట్రాఫిక్ నిబంధనల ఉల్లంఘనలపై పోలీసుల కొరడా

ప్రొద్దుటూరులో ట్రాఫిక్ నిబంధనల ఉల్లంఘనలపై పోలీసుల కొరడా

8 నెలల్లో 3,344 కేసులు, రూ. 11.27 లక్షల జరిమానా వసూలు

వైయస్సార్ కడప జిల్లా, ప్రొద్దుటూరు

ప్రొద్దుటూరు పట్టణంలో రోడ్డు ప్రమాదాలను అరికట్టేందుకు, ట్రాఫిక్ క్రమశిక్షణ పెంపొందించేందుకు పోలీసులు ప్రత్యేక ఎన్ఫోర్స్మెంట్ డ్రైవ్ చేపట్టారు. కడప జిల్లా ఎస్పీ నచికేత్ విశ్వనాథ్ ఐపీఎస్ ఆదేశాల మేరకు, ప్రొద్దుటూరు ఏ.ఎస్.పి విభూ కృష్ణ ఐపీఎస్ పర్యవేక్షణలో ప్రొద్దుటూరు ట్రాఫిక్ సిఐ మరియు సిబ్బంది నిరంతర తనిఖీలు నిర్వహిస్తున్నారు.

8 నెలల్లో భారీగా కేసుల నమోదు 01.01.2026 నుండి 02.08.2026 వరకు చేపట్టిన ప్రత్యేక ఎన్ఫోర్స్మెంట్ చర్యల్లో:

1. MV Act ఉల్లంఘనలు : మొత్తం 3,344 కేసులు నమోదు చేసి రూ. 8,00,245/- జరిమానా వసూలు చేశారు. ఇందులో డ్రైవింగ్ లైసెన్స్ లేకపోవడం, RC, ఇన్సూరెన్స్ లేకపోవడం, అతివేగం, రాంగ్ సైడ్ డ్రైవింగ్ వంటి ఉల్లంఘనలు ఉన్నాయి.

2. డ్రంకెన్ డ్రైవ్ : 109 మంది మద్యం సేవించి వాహనాలు నడిపినట్లు గుర్తించి కేసులు నమోదు చేశారు. వారిపై రూ. 3,27,000/- జరిమానా విధించారు.

3. టౌన్ న్యూసెన్స్ Act : ప్రజలకు, ట్రాఫిక్‌కు అంతరాయం కలిగించిన వారిపై 630 కేసులు నమోదు చేశారు.

మొత్తంగా 8 నెలల్లో రూ. 11,27,245/- జరిమానా వసూలు చేసినట్లు ట్రాఫిక్ పోలీసులు తెలిపారు.

ప్రధాన ఉల్లంఘనలు ఏంటి?

ట్రాఫిక్ పోలీసుల ప్రత్యేక డ్రైవ్‌లో ఎక్కువగా ఈ ఉల్లంఘనలు గుర్తించారు:

- మైనర్ బాలురు వాహనాలు నడపడం

- హెల్మెట్ లేకుండా ద్విచక్ర వాహనాలు నడపడం

- ట్రిపుల్ రైడింగ్

- సీట్ బెల్ట్ ధరించకపోవడం

- మొబైల్ ఫోన్ వాడుతూ డ్రైవింగ్

- మద్యం సేవించి వాహనాలు నడపడం

- అతివేగం మరియు రాంగ్ సైడ్ డ్రైవింగ్

అవగాహన కార్యక్రమాలు

శిక్షలతో పాటు అవగాహన కూడా కల్పిస్తున్నామని పోలీసులు చెప్పారు. పాఠశాలలు, కళాశాలలు, ఆటో డ్రైవర్లు, వాణిజ్య వాహనాల డ్రైవర్లు మరియు సాధారణ ప్రజలకు రోడ్డు భద్రతపై అవగాహన కార్యక్రమాలు నిర్వహిస్తున్నారు.

ప్రజలకు కీలక విజ్ఞప్తి

ప్రొద్దుటూరు ట్రాఫిక్ పోలీసులు ప్రజలకు ఈ సూచనలు చేశారు. ద్విచక్ర వాహనదారులు తప్పనిసరిగా DL, RC, ఇన్సూరెన్స్ మరియు హెల్మెట్ ఉండాలి, నాలుగు చక్రాల వాహనదారులు సీట్ బెల్ట్ ధరించాలి, మద్యం సేవించి వాహనాలు నడపవద్దు, 18 ఏళ్ల లోపు పిల్లలకు వాహనాలు ఇవ్వడం చట్టరీత్యా నేరం. ఏదైనా ప్రమాదం జరిగితే తల్లిదండ్రులు మరియు వాహనదారులదే పూర్తి బాధ్యత

"ట్రాఫిక్ నిబంధనలు పాటించడం ద్వారా మన ప్రాణాలను మనమే కాపాడుకోవచ్చు. నిబంధనలు ఉల్లంఘించిన వారిపై కఠిన చర్యలు తప్పవు" అని ట్రాఫిక్ పోలీసులు హెచ్చరించారు.