వైసిపి మున్సిపల్ చైర్మన్ అభ్యర్థిగా పోరెడ్డి నరసింహారెడ్డి, 52 వార్డుల అభ్యర్థుల ప్రకటన

ప్రొద్దుటూరు బరిలో వైఎస్సార్‌సీపీ: మున్సిపల్ చైర్మన్ అభ్యర్థిగా పోరెడ్డి నరసింహారెడ్డి, 52 వార్డుల అభ్యర్థుల ప్రకటన

వైయస్సార్ కడప జిల్లా, ప్రొద్దుటూరు

ప్రొద్దుటూరు మున్సిపాలిటీ స్థానిక సంస్థల ఎన్నికల సమరానికి వైఎస్ఆర్ కాంగ్రెస్ పార్టీ సమాయత్తమైంది. వైఎస్ఆర్‌సీపీ రాష్ట్ర అధికార ప్రతినిధి రాచమల్లు శివ ప్రసాద్ రెడ్డి మున్సిపల్ చైర్మన్ అభ్యర్థిగా పోరెడ్డి నరసింహ రెడ్డి పేరును అధికారికంగా ఖరారు చేస్తూ, పట్టణంలోని మొత్తం 52 వార్డుల్లో పోటీ చేయనున్న కౌన్సిలర్ అభ్యర్థుల జాబితాను విడుదల చేశారు. ఈ ప్రకటనతో నియోజకవర్గంలో ఎన్నికల సందడి ఊపందుకోగా, పార్టీ శ్రేణుల్లో నూతనోత్సాహం నెలకొంది.

ఈ సందర్భంగా పార్టీ ముఖ్య నాయకులు, కౌన్సిలర్ అభ్యర్థులతో ప్రత్యేకంగా నిర్వహించిన విస్తృత స్థాయి సమావేశంలో రాచమల్లు శివ ప్రసాద్ రెడ్డి దిశానిర్దేశం చేశారు. ఎన్నికల ప్రచారంలో ప్రజా సమస్యలను ఎండగట్టే వ్యూహాలు, సమష్టి కృషి ద్వారా వైఎస్సార్‌సీపీ విజయాన్ని సాధించేందుకు అనుసరించాల్సిన కార్యాచరణపై అభ్యర్థులకు స్పష్టమైన మార్గదర్శనం అందించారు. స్థానిక నాయకులు, కార్యకర్తలు పెద్ద సంఖ్యలో పాల్గొన్న ఈ సమావేశం పార్టీ ఐక్యతను, ఎన్నికల సంసిద్ధతను చాటిచెప్పింది.