మెగాస్టార్ చిరంజీవి జన్మదిన వారోత్సవాల్లో భాగంగా మొక్కలు నాటిన మెగా అభిమానులు

మెగాస్టార్ చిరంజీవి జన్మదిన వారోత్సవాల్లో భాగంగా మొక్కలు నాటిన మెగా అభిమానులు

పద్మభూషణ్, డాక్టర్ మెగాస్టార్ చిరంజీవి జన్మదిన వారోత్సవాల్లో భాగంగా నేడు శ్రీ శ్రీ వీరబ్రహ్మేంద్ర స్వామి ఆశ్రమంలో మొక్కలు నాటే కార్యక్రమాన్ని ఆయన అభిమానులు నిర్వహించారు. ఈ కార్యక్రమానికి ఆశ్రమ ఫౌండర్ సుబ్బరాయుడు హాజరై మొక్కలు నాటారు. ఈ సందర్భంగా ఆయన మాట్లాడుతూ, చిరంజీవి జన్మదిన వారోత్సవాలను ప్రారంభించడం ఎంతో ఆనందంగా ఉందని, ఇటువంటి మెగా అభిమానులు ఉండడం చిరంజీవి అదృష్టమని అన్నారు. ఆయన నిండు నూరేళ్లు ఆయురారోగ్యాలతో ఉండాలని మనసారా కోరుకుంటున్నట్లు తెలిపారు.

ఈ కార్యక్రమంలో జనసేన పార్టీ నాయకుడు, బొల్లారం వెంకటేశ్వర స్వామి టెంపుల్ బోర్డ్ మెంబర్ రామోజీ ప్రసాద్ పాల్గొన్నారు. ఈ సందర్భంగా ఆయన మాట్లాడుతూ, చిరంజీవి పుట్టినరోజును సేవా తత్పరత దినోత్సవం గా ప్రకటించాలని రాష్ట్ర ప్రభుత్వాన్ని కోరారు. ఈ కార్యక్రమంలో పట్టణ చిరంజీవి యువత అధ్యక్షుడు రామారావు, షరీఫ్, టైర్స్ సాగర్, బియ్యం కేశవ, రాము, నాయబ్, నంద మెగా శ్యామ్, బాబురావు, మధు, చెన్న రవి తదితర మెగా అభిమానులు పాల్గొన్నారు.