మున్సిపల్ కమిషనర్ ఆధ్వర్యంలో నేడు కీలక సమావేశాలు

ప్రొద్దుటూరు మున్సిపల్ కమిషనర్ ఆధ్వర్యంలో నేడు కీలక సమావేశాలు: వినాయక ఉత్సవాలు, వీధి కుక్కల సమస్యపై సమీక్ష

ప్రొద్దుటూరు పురపాలక సంఘం పరిధిలో శాంతిభద్రతలు, ప్రజారోగ్య సమస్యలపై చర్చించేందుకు మున్సిపల్ కమిషనర్ అధ్యక్షతన నేడు అనగా 2026 సెప్టెంబర్ 8న రెండు కీలక అధికారిక సమావేశాలు జరగనున్నాయి. రాబోయే వినాయక చవితి పండుగను పురస్కరించుకుని మధ్యాహ్నం 3:00 గంటలకు వివిధ శాఖాధిపతులతో 'పీస్ కమిటీ మరియు వినాయక ఉత్సవ కమిటీ' సమావేశాన్ని నిర్వహించనున్నారు. ఉత్సవాలు ప్రశాంత వాతావరణంలో జరిగేలా పటిష్ట భద్రతా చర్యలు, అవసరమైన మౌలిక వసతుల కల్పనపై సంబంధిత శాఖల అధికారులతో చర్చించి పలు నిర్ణయాలు తీసుకోనున్నారు.

అనంతరం సాయంత్రం 4:00 గంటలకు పట్టణ పరిసర ప్రాంతాల్లో వీధి కుక్కల బెడద, వాటి దాడుల నియంత్రణపై మరో ప్రత్యేక సమావేశం జరగనుంది. ఈ సమీక్షకు కమలాపురం, జమ్మలమడుగు, మైదుకూరు, ఎర్రగుంట్ల మున్సిపాలిటీల కమిషనర్లతో పాటు నాలుగు మేజర్ పంచాయతీల సెక్రటరీలు, ఎంపీడీవో, ఇతర అధికారులు హాజరుకానున్నారు. సమావేశానికి వచ్చే అధికారులు, సిబ్బంది అందరూ నిర్ణీత సమయానికి హాజరై, తమ తమ పరిధిలోని పూర్తి వివరాలు, సమస్యల నివేదికలతో సిద్ధంగా రావాలని పురపాలక సంఘం ఆదేశించింది.