రేషన్ వాహనం ఢీకొని విద్యార్థి మృతి

శ్రీకాకుళం, కోటబొమ్మాళి మండలం చిన్నహరిశ్చంద్రపురం గ్రామంలో మిత్రులతో కలిసి ఆటలాడుకుంటున్న బాలుడిని రేషన్ వాహనం ఢీ కొనడంతో మృతి చెందాడు. కుమారుడు సత్యనారాయణ మృతితో తండ్రి తాపీమేస్త్రి శ్రీను కన్నీరుమున్నీరుగా విలపించాడు.కాగ బాలుడు కొబ్బరిచెట్ల పేట సమీపంలోని ఓ ప్రైవేటు పాఠశాలలో తొమ్మిదో తరగతి చదువుతున్నాడు. ఘటనపై పోలీసులు కేసు నమోదు చేసి దర్యాప్తు చేస్తున్నారు.